Thó-lūn:Hâng-lia̍t

數學上，行列（英語：matrix）是一寡要素組成的長篙形陣列。線性代數中專門研究行列的分支學科是行列論，伊是線性代數上蓋重要主題之一。

定義

行列是一種長篙形陣列，陣列的每一目攏叫做要素（英語：element, entry），𪜶可能是數字、符號、數學式抑是其他的數學物件。而且閣有幾若種運算會當用。

行列內底橫的一排要素叫做逝（英語：row）、縱的一排要素叫做徛（英語：column）。一般人咧研究的行列，要素攏是數字較濟。若準一个行列的要素攏是體K的元素，咱就講這行列是「佇K頂懸」的。若這个體是實數，就成做實行列（英語：real matrix），若是複雜數，就成做複行列（英語：complex matrix）。

大細

行列的大細（英語：size）就是咧講伊有偌這逝佮徛。設使一个行列有$m$逝、$n$徛，伊的大細就是$m\times n$，咱講伊是 $m\times n$行列，這愛用英語讀做「m by n」。

干焦有一逝的行列叫做逝向量；干焦有一徛的行列叫做徛向量；逝佮徛平濟的行列叫做四方向量。